Meghan með til Afríku en tjáir sig ekki um Lundúnir
Setja bókamerki
Harry Bretaprins verður á ferð og flugi á næstunni en auk þess að vera á leiðinni til Lundúna í byrjun maí hefur hann þáð boð til Nígeríu. Eiginkona hans, Meghan hertogaynja, mun fara með honum til Nígeríu.
Ferðin til Nígeríu er í boði hernaðaryfirvalda þar í landi að því fram kemur á vef Hello. Harry kynntist yfirmanni hjá hernum á Invictus-leikunum í Þýskalandi í fyrra. Leikarnir eru hugarfóstur Harrys en þeir eru fyrir fyrrverandi hermenn sem hafa særst í átökum. Eru hjónin sögð hafa varið miklum tíma með liðinu frá Nígeríu þar sem Meghan á ættir að rekja til Nígeríu.
Ekkert gefið upp um hvort Meghan fari til Lundúna
Áður en að Harry fer til Nígeríu fer hann til Lundúna í byrjun maí til þess að vera viðstaddur athöfn í tilefni tíu ára afmælis Invictus-leikanna. Mun þetta vera fyrsta ferð Harrys til Bretlands síðan í febrúar. Hann heimsótti Bretland í sólahring í kjölfar þess að faðir hans, Karl konungur, greindist með krabbamein.
Talsmaður prinsins vildi ekki tjá sig um hvort Meghan færi með Harry til Bretlands í maí. Meghan var síðast í Bretlandi árið 2022 þegar hún var viðstödd jarðarför drottningarinnar. Hún mætti ekki í krýningu Karls á síðasta ári. Hefur Karl konungur til að mynd aldrei hitt yngra barn þeirra.
Um 70 jarðskjálftar í kvikuganginum
Kemur ekki til greina að semja við ESB
Ástand Ficos stöðugt en „mjög alvarlegt“
Mannbjörg þegar strandveiðibátur sökk
Þakklátur Kínverjum fyrir friðarumleitanir
Opin fyrir almennri kosningu biskups
„Bíð bara eftir að það fari að gjósa aftur“
Tímaspursmál hvenær framleiðslu verði hætt
/frimg/1/49/16/1491611.jpg)