Haraldi Frey Guðmundssyni, þjálfari karlaliðs Keflavíkur í fótbolta, kom ekki á óvart að liði hans væri spáð sigri í 1. deild karla af þjálfurum og fyrirliðum á kynningarfundi fyrir deildina sem haldin var á Laugardalsvelli í dag.
„Mér líst ágætlega á að vera spáð fyrsta sæti. Ég reiknaði með að okkur yrði spáð einhverju af þremur efstu sætunum“. Sagði Haraldur í samtali við Mbl.is í dag.
Úrslitakeppnis fyrirkomulag var tekið upp á síðasta keppnistímabili í 1. deild karla og Keflvíkingar þurfa mögulega að takast á við það í fyrsta skipti.
“Já við höfum velt því aðeins fyrir okkur, þetta er nýtt fyrirkomulag fyrir okkur. Hér áður fyrr var alltaf sagt að það væru tvö spennandi sæti í þessari deild, núna er bara eitt sæti sem er mjög spennandi og svo tekur við meiri körfubolta fílingur. Það skiptir kannski ekki öllu hvort þú sért í öðru eða fimmta sæti, þú átt möguleika á að fara upp í gegnum úrslitakeppnina“.
Aðspurður hvort Haraldur telji mörg lið muni gera tilkall til fyrsta sætis sagði hann:
„Þetta verður erfið keppni og jöfn, ég held að ekkert eitt lið stingi af á toppnum heldur verða mörg góð lið í baráttu um að fara upp og jafnvel fimm til sex lið sem munu berjast umsætin í úrslitakeppninni“.