Pólsku meistararnir Kielce hafa sent Handknattleikssambandi Evrópu, EHF, formlega kæru vegna leiksins gegn Magdeburg í átta liða úrslitum Meistaradeildarinnar sem fram fór í Þýskalandi í gærkvöld.
Magdeburg komst þá áfram í vítakeppni eftir að hafa unnið leikinn 23:22 en Kielce vann fyrri leikinn í Póllandi, 27:26.
Pólverjarnir mótmæla atviki í síðustu sókn leiksins þar sem þeir telja að dómarar leiksins hefðu stöðvað leikinn of snemma til að dæma aukakast, í stað þess að láta hann halda áfram þar til ljóst væri að sóknin væri runnin út í sandinn.
Fjórir Íslendingar tóku þátt í leiknum, Ómar Ingi Magnússon, Janus Daði Smárason og Gísli Þorgeir Kristjánsson með Magdeburg og Haukur Þrastarson með Kielce.
⚠️ W dniu dzisiejszym Klub złożył oficjalny protest na ręce Europejskiej Federacji Piłki Ręcznej (EHF), w związku z wczorajszymi wydarzeniami podczas ćwierćfinałowego meczu @ehfcl pomiędzy @kielcehandball oraz @SCMagdeburg.
— Industria Kielce (@kielcehandball) May 2, 2024
Mimo wielu kontrowersji, w proteście skupiamy się na… pic.twitter.com/iHKd8Db2iu