Frumvarp samþykkt þrátt fyrir mótmæli

Þrátt fyrir mótmæli norskra smábátasjómanna í Norður-Noregi þar sem smábátar lokuðu höfnunum í Honningsvåg og Hammerfest á þriðjudag samþykkti norska Stórþingið sjávarútvegsfrumvarp ríkisstjórnarinnar er snérist meðal annars um breytingar á skiptingu aflaheimilda milli útgerðaflokka.

Héldu mótmæli áfram í gær en fátt bendir til að breytingar verði gerðar upp úr þessu. Málið hefur þó skapað töluverða óeiningu innan ríkisstjórnarflokkanna Verkemannaflokksins og Miðflokksins, einkum í þeim norðlægu byggðum sem telja smábátasjómenn ekki hafa fengið nægilegar heimildir í sinn hlut til að bæta upp kvótaskerðingar síðustu ára.

Fátt bendir til frekari aðgerða

Gera má ráð fyrir að Sósíalíski vinstriflokkurinn nýti sér málið fram að næstu kosningum, en formaður strandveiðifélags Noregs, Tom Vegar Kiil, er meðlimur í flokknum. Var hann stóryrtur um komandi aðgerðir smábátasjómanna.

Engir bátar loka höfnum byggðanna tveggja í dag og bendir fátt til frekari aðgerða á næstunni.

Frétt af mbl.is

„Nú skulu þeir andskotinn fá að blæða“

• Blogga um frétt