Flugáætlanir kunna að taka breytingum
Setja bókamerki
Isavia gerir ráð fyrir því að flugáætlunum verði breytt ef af verkfalli starfsfólks Sameykis og FFR verður.
Boðað hefur verið til verkfallsaðgerða þann 8. maí og munu þær standa hluta úr degi á vissum dagsetningum til 20. maí.
Isavia vonast þó til þess að deiluaðilar verði búnir að ná saman áður en til verkfallsaðgerða kemur, að því er fram kemur í skriflegu svari frá upplýsingafulltrúa Isavia.
Kunni að taka breytingum
„Hvað varðar hreyfingar (brottfarir og lendingar) á þeim tíma sem aðgerðir munu standa, ef af verður, þá eru flugáætlanir flugfélaga á Keflavíkurflugvelli birtar á vef Keflavíkurflugvallar, kefairport.is, og uppfærðar þar af flugfélögunum sjálfum,“ segir í skriflegu svari upplýsingafulltrúans Guðjóns Helgasonar.
Gera má ráð fyrir að þær áætlanir kunni að taka breytingum ef til aðgerða kemur.
Öryggisleit og rútuflutningar
Hann segir jafnframt að verið sé að fara yfir það hvaða störf verða lögð niður og hvaða áhrif það mun hafa á Keflavíkurflugvelli.
Fyrir liggur að FFR og Sameyki hafa boðað að starfsfólk í öryggisleit og farþegaflutningum (þ.e. rútuflutningum farþega út í flugvél) leggi niður vinnu tímabundið á afmörkuðum tímum.
Opin fyrir almennri kosningu biskups
Fordæmir leyndarhyggju í skólamálum
Fannari líst ágætlega á aðgerðirnar
Vantar fólk: „Þetta er gaman en það er ekki nóg“
Kemur ekki til greina að semja við ESB
Rannsaka drómasýki í hestum
Segir forseta þingsins segja ósatt frá fundinum