Halla Hrund situr fyrir svörum á föstudag
Setja bókamerki
Tengdar fréttir
Spursmál
Halla Hrund Logadóttir forsetaframbjóðandi hefur boðað komu sína í næsta þátt af Spursmálum undir stjórn Stefáns Einars Stefánssonar.
Þátturinn verður sýndur í beinu streymi hér á mbl.is á föstudag klukkan 14.
Krefjandi spurningum verður beint að Höllu Hrund er tengjast valdsviði forsetaembættisins líkt og aðrir frambjóðendur og gestir þáttarins hafa verið knúnir á um síðastliðna föstudaga.
Allt hægt
Halla Hrund lýsti því yfir í byrjun aprílmánaðar að hún hugðist gefa kost á sér til embættis forseta Íslands. Í kjölfarið óskaði hún eftir tímabundu leyfi frá starfi sínu sem orkumálastjóri hjá Orkustofnun til að einbeita sér að fullu að forsetaframboði.
„Gerum Ísland að fyrirmynd í sjálfbærni, nýsköpun og atvinnulífs og boðbera friðar og réttlætis um allan heim,“ sagði Halla í yfirlýsingu sinni.
„Þekking á auðlindamálum, menningarstarfsemi og þátttaka í alþjóðlegum verkefnum hefur kennt mér að allt er hægt.“
Síðustu skoðanakannanir hafa verið Höllu Hrund í vil en mikil hreyfing virðist vera á fylgi efstu frambjóðenda með tilheyrandi fylgissveiflu þeirra á milli. Aukin spenna hefur tekið að myndast í kosningabaráttuna og ljóst að nú er alvara farin að færast í leikana þar sem allt getur gerst.
Fylgstu með Spursmálum hér á mbl.is alla föstudaga klukkan 14.
Tengdar fréttir
Spursmál
Ástand Ficos stöðugt en „mjög alvarlegt“
Guðmundur Fertram tilnefndur
Þakklátur Kínverjum fyrir friðarumleitanir
Segir forseta þingsins segja ósatt frá fundinum
Kemur ekki til greina að semja við ESB
„Mjög miður að af þessu hljótist kostnaður“
Mennirnir í haldi lögreglunnar á Suðurnesjum