Mótmælt við stærsta háskóla Mexíkó
Setja bókamerki
Tugir nemenda við stærsta háskóla Mexíkó, UNAM, reistu tjaldbúðir fyrir framan skrifstofu skólans í Mexíkó-borg til stuðnings Palestínu og til að sýna samstöðu með mótmælum bandarískra háskólanema.
„Lengi lifi frjáls Palestína,“ hrópuðu nemendur er þeir kölluðu eftir því að mexíkósk stjórnvöld myndu slíta samskiptum við stjórnvöld í Ísrael.
Styðja Palestínumenn og bandaríska háskólanema
„Við erum hér til að styðja Palestínu, fólkið sem er í Palestínu og tjaldbúðir nemenda í Bandaríkjunum,“ sagði Valentino Pino, nítján ára gamall heimspekinemi við AFP-fréttaveituna.
Jimena Rosas, 21 árs nemi, kvaðst vona að mótmælin yrðu hvatning fyrir aðra háskólanema í Mexíkó að gera slíkt hið sama.
Á undanförnum vikum hafa sífellt fleiri háskólanemar í Bandaríkjunum tekið þátt í samstöðumótmælum með Palestínu. Til átaka hefur komið upp á síðkastið þar sem annars vegar hefur slegið í brýnu á milli mótmælenda og lögreglu, og hins vegar mótmælenda og stuðningsmanna Ísraels.
14 til 17 milljarða kr. tap vegna skerðinga
„Trúlega rákumst við saman“
Kemur ekki til greina að semja við ESB
Tímaspursmál hvenær framleiðslu verði hætt
Húsnæðisstuðningur framlengdur til áramóta
„Bíð bara eftir að það fari að gjósa aftur“
Fannari líst ágætlega á aðgerðirnar