Ástþór Magnússon forsetaframbjóðandi var gestur í hlaðvarpsþætti Teboðsins, titlaður Forsetaframbjóðendur - Spill the tea, í umsjón Sunnevu Eirar Einarsdóttur og Birtu Lífar Ólafsdóttur á dögunum.

Stöllurnar ræddu við sex af þeim tólf sem sækjast eftir því að verða næsti forseti Íslands, en landsmenn ganga til kosninga þann 1. júní næstkomandi. 

Sunneva Eir og Birta Líf spurðu frambjóðendur skemmtilegra spurninga og áttu gott og glaðlegt spjall við Steinunni Ólínu Þorsteinsdóttur, Baldur Þórhallsson, Höllu Hrund Logadóttur, Katrínu Jakobsdóttur og Jón Gnarr. Stemningin breyttist örlítið þegar Ástþór Magnússon tyllti sér hjá þeim.

„Ég er ljón“

Sunneva Eir og Birta Líf áttu í stökustu vandræðum með að fá svör við spurningum sínum en Ástþór fór vítt yfir og lét gamminn geysa í góða stund um kjarnorkumál, Rússland og hætturnar sem leynast áður en hann hóf að svara spurningum stallanna, sem allar voru í léttari kantinum. 

„Ég er ljón. Ljónin berjast og ég er að berjast að fá frið í heiminum og virkja Bessastaði til friðarmála,“ sagði forsetaframbjóðandinn áður en hann spurði stúlkurnar hvort þær væru búnar að lesa bók sína, Virkjum Bessastaði. 

„Ég skora á ykkur og ykkar hlustendur að lesa þessa bók. Boðskapurinn er óbreyttur en heimsmyndin er að breytast.“

„Það þarf eitthvað meira en huggulegt teboð“

Ástþóri lá margt á hjarta. 

„Íslandi er í dag ógnað með kjarnorkusprengju. Flestir hernaðarsérfræðingar eru á því að ógnin sé mjög raunveruleg. Það þarf eitthvað meira en huggulegt teboð og smákökur, með allri virðingu fyrir því, núna yfir þessar forsetakosningar því það eru bara tveir valkostir í þessum forsetakosningum. 

Það er annað hvort stríð eða friður og það er aðeins einn frambjóðandi sem er að berjast fyrir friði og hefur gert það í 28 ár. Ég gefst aldrei upp,“ sagði Ástþór rétt áður en hann tilkynnti stúlkunum að þetta væri í síðasta sinn sem hann sæktist eftir forsetaembættinu.

„Ef ég vinn ekki þessar kosningar og kemst inn á Bessastaði til að koma á friðarsamningum við Rússland þá tel ég að Íslandi verði eytt með kjarnorkusprengju.“

Tengdar fréttir

Poppkúltúr

61 árs gömul piparmey leitar að ástinni

• Streep hlaut heiðurspálmann á opnunarkvöldi Cannes
• Nýja kærastan sögð skuggalega lík fyrrverandi eiginkonunni
• Rúrik með stórt hlutverk í nýrri kvikmynd
• „Ég var orðin 136 kíló og þurfti á hjálp að halda“

» Fleiri tengdar fréttir

Sunneva Eir

Aðalskvísur landsins flúðu rigninguna

• Hefur þú heyrt minnst á orðið sultuhundur?
• Sunneva gekkst undir aðgerð
• Sunneva og Birta vildu fá vín á Old Trafford
• Aðalskvísur Íslands njóta lífsins í París

» Fleiri tengdar fréttir

Forsetakosningar 2024

Fylgi Katrínar og Höllu Hrundar dalar

• Ástþór kvartar undan Stöð 2
• Leggja frambjóðendum og fjölmiðlum línurnar
• „Það verða bakaðar fínar kökur“
• Nýi ráðgjafinn leggur til spurningu fyrir frambjóðendur

» Fleiri tengdar fréttir

• Blogga um frétt